2015-ի լավագույն նորաստեղծ ընկերությունները կիբեռ-անվտանգության ոլորտում

Լավագույն նորաստեղծ ընկերությունների ցանկը բացում է Tanium ընկերությունը, որը, ըստ Pitchbook-ի, 2015 թվականին կարողացել է բարձրացնել իր արժեքը 190 մլն դոլարով՝ դաձնելով այն 3.7 միլիարդ դոլար: Հոր՝ Դեյվիդ Հինդավիի (David Hindawi) և որդու՝ Օրիոն Հինդավիի (Orion Hindawi) միասնական աշխատանքի արդյունքում հիմնադրվեց այս ընկերությունը՝ ստեղծելով հանգուցային համակարգիչների կառավարման յուրօրինակ համակարգ (endpoint management system): Վերջին գնահատման ժամանակ նրանք երկուսն էլ հայտնվել են FORBES-ի միլիարդատերերի ցուցակում:

Երկրորդ հորիզոնականում է «Menlo Security» ընկերությունը, որը հունիս ամսին կայացած դրամահավաքի (fundraising) ժամանակ հավաքել է 25 մլն դոլար: Կազմակերպության անվտանգության համակարգը փորձում է մեկուսացնել վնասակար ծրագրերը (malware)՝ ամպային միջավայրում (cloud) վերլուծելով այնպիսի տվյալներ, ինչպիսիք են էլեկտրոնային նամակներն ու վեբ-կայքերը:

Լավագույն նորաստեղծ ընկերությունների ցանկում երրորդ տեղն է գրավել Illumio ընկերությունը, որը ապրիլին կայացած դրամաշնորհի ժամանակ հավաքել է 100 մլն դոլար և ձեռք բերել «միլիարդ-դոլար» արժողությամբ «հրեղեն ձիու» կարգավիճակ:

Ստորև ներկայացված է կիբեռ-անվտանգության ոլորտում 2015 թվականի լավագույն նորաստեղծ ընկերությունների ամբողջական ցուցակը՝

1.Tanium

• Մոտավոր արժեքը՝ 3.7 մլրդ դոլար
• Ծառայությունը՝ Հանգուցային համակարգիչների անվտանգություն և կազմակերպության համակարգերի կառավարման սարքահիմք (endpoint security and enterprise system management platform)

2.Menlo Security

• Մոտավոր արժեքը՝ 127 մլն դոլար
• Ծառայությունը՝ Վնասակար ծրագրերի մեկուսացման սարքահիմք (platform)

3.Illumio

• Մոտավոր արժեքը՝ 1 մլրդ դոլար
• Ծառայությունը՝ Անվտանգության հարմարեցվող կանոնների սարքահիմք (adaptive security rules platform)

4.Vectra Networks

• Մոտավոր արժեքը՝ 336 մլն դոլար
• Ծառայությունը՝ Ներխուժման հայտնաբերում և վերլուծություն

5.Cylance

• Մոտավոր արժեքը՝ 290 մլն դոլար
• Ծառայությունը՝ Արհեստական բանականության միջոցով սպառնալիքների հայտնաբերում

6.CrowdStrike

• Մոտավոր արժեքը՝ 666 մլն դոլար
• Ծառայությունը՝ Հանգուցային համակարգիչների անվտանգության կառավարում

7.Cyphort

• Մոտավոր արժեքը՝ 152 մլն դոլար
• Ծառայությունը՝ Սպառնալիքների մանրակրկիտ զննում և հայտնաբերում

8.CloudFlare

• Մոտավոր արժեքը՝ 3.2 մլրդ դոլար
• Ծառայությունը՝ Ռեսուրսների մատուցման ցանց

9.AlienVault

• Մոտավոր արժեքը՝ 430 մլն դոլար
• Ծառայությունը՝ Սպառնալիքների կառավարման լուծումներ և հանրային աղբյուրներից (crowd-sourced) ստացված սպառնալիքների խելացի (intelligence) սարքահիմք

10.Zscaler

• Մոտավոր արժեքը՝ 1.05 մլրդ դոլար
• Ծառայությունը՝ Ամպային միջավայրում ինտերնետ անվտանգության վերահսկողական համակարգեր (checkpoints)