Pwnie Express ընկերությունը հրապարակել է ոլորտի ուսումնասիրության իր տարեկան զեկույցը: Ընկերությունը զեկույցը վերնագրել է «Internet of Evil Things» (Չարամիտ Սարքավորումների Համացանց)՝ ներկայացնելով ոլորտում առկա լուծումների վերաբերյալ վերլուծություն, ինչը նպատակ ունի բարձրացնելու ՏՏ մասնագետների իրազեկման մակարդակը:
ԿԱՐԴԱՑԵՔ ՆԱԵՎ` Անվճար WiFi կապի թաքնված վտանգները
Ըստ Pwnie Express ընկերության հետազոտությունների՝
- 66 տոկոսը չգիտեն կամ համոզված չեն, թե նրանց գործընկերների մոտ քանի միացված (միակցված) սարքավորումներ են առկա աշխատանքի ներկայանալիս: Սա ևս մեկ անգամ ցույց է տալիս, թե իրականում որքան կարևոր է համացանցին միացված թվային սարքավորումների (The Internet of Things) անվտանգությունը:
- 84 տոկոսը կարծում են, որ «Mirai» բոթ ցանցը փոխել է նրանց պատկերացումները ինտենտետին միացված թվային սարքավորումների վտանգի վերաբերյալ: Ժամանակն է վերանայել աշխատակիցների անձնական թվային սարքավորումներ (BYOD) օգտագործելու կանոնները (policy):
- Եվ ընդամենը 22 տոկոսն է վերջին տարվա ընթացքում ստուգել թվային սարքավորումներում վնասակար ծրագրերի առկայությունը:
Պաշտպանեք Ձեզ Համացանցի Չարամիտ Սարքավորումներից
Անջատեք Ձեր WiFi կապը
Անջատեք Ձեր Wi-Fi սարքավորումները, երբ չեք օգտվում դրանցից (հատկապես հանգստյան օրերին): Սա ոչ միայն կխնայի Ձեր սարքավորման էլեկտրոէներգիան, այլև կնվազեցնի հաքերային հարձակումների վտանգը:
Անջատեք անպետք հնարավորությունները
Անջատեք Ձեր աշխատավայրում օգտագործվող թվային սարքերի բոլոր այն հնարավորությունները (features), որոնցից չեք օգտվում: Այլ բառերով ասած, փակեք բոլոր «դռները» և բացեք միայն այն, որից օգտվում եք:
Փոխեք Ձեր գաղտնաբառերը
Երբեք մի օգտագործեք թվային սարքավորումներ, եթե դրանցում առկան են գործարանային (default) գաղտնաբառեր: Հարկավոր է փոխել բոլոր գործարանային գաղնտաբառերը՝ ընտրելով միմիայն անվտանգ գաղտնաբառեր:
ԿԱՐԴԱՑԵՔ ՆԱԵՎ` Գաղտնաբառերը ճիշտ պահպանելու ընդհանուր դրույթներ
Ուսումնասիրեք Ձեր գնած սարքավորումը
Մինչ որևէ թվային սարքավորում կամ ծրագրային ապահովում գնելը, հարկ է ուսումնասիրել այն: Հարկավոր է նաև վստահ լինել, որ գիտեք, թե ինչպես է պետք պարբերաբար թարմացնել Ձեր թվային սարքավորումների ծրագրային մասը:
Վստահեք, բայց ստուգեք ցանկացած սարքավորում
Զգուշացեք այն ընկերությունների կողմից առաջարկվող լուծումներից, որոնց ծրագրերում հաճախակի են հանդիպում անվտանգության խնդիրներ: Ընկերություններում ցանցային անվտանգության ամենատարածված վտանգներից է օգտագործվող թվային սարքավորումների բացահայտումը (ներառյալ՝ WiFi սարքավորումները), քանի որ հայտնաբերված սարքավորման հատկորոշիչներով (արտադրող ընկերություն, թողարկման համար և այլն) կարող ես համացանցում հեշտությամբ ուսումնասիրել տվյալ սարքավորման անվտանգության խնդիրները:
.png){kind=small}
