«Samsung» ընկերությունը ներկայացրել է հեռախոսի էկրանը ապաբլոկավորող (unlock) նոր համակարգ, որը կոչվում է «Intelligent Scan»:
«Samsung» ընկերության նոր համակարգը միավորում է դեմքի և աչքի ծիածանաթաղանթը ճանաչող ֆունկցիաները՝ ավելի «խելացի» դարձնելով նույնականացման գործառույթը: Սակայն ուսումնասիրությունները ցույց են տալիս, որ «Samsung Galaxy S9» և «Samsung Galaxy S9+» մոդելներում օգտագործվող կենսաչափական նույնականացման գործառույթը նախորդ մոդելից տարբերվում է աշխատանքի արագագործությամբ, բայց ոչ անվտանգությամբ:
Ըստ «CNET» ընկերության կատարած հետազոտությունների, «Samsung» ընկերությունը շարունակում է օգտվել «Samsung Galaxy S8» մոդելում հանդիպող դեմքի երկչափ (2D) սկանավորման և «Samsung Galaxy Note 7» մոդելում հանդիպող աչքի ծիածանաթաղանթը ճանաչող մեթոդներից: Այս երկու մեթոդների միավորումը նույնականացման գործառույթը դարձնում է առավել արագ, առավել «խելացի», բայց դա որևէ կերպ չի ազդում համակարգի անվտանգության (ապահովության) վրա:
Սա այն ոլորտն է, որտեղ «Samsung»-ը ակնհայտորեն հետ է մնում «Apple»-ից: «Apple»-ը հսկայական չափի գումարներ, ժամանակ և ջանք է ներդրել «Face ID» համակարգում: Նրանք բռնոցի են խաղում, այն դեպքում երբ «Samsung»-ն առաջինն էր նախագծել «Face ID» համակարգի նմանատիպ օրինակը:
This is an area where Samsung is clearly behind Apple. Apple invested an enormous amount of money, time and effort into Face ID. Even though Samsung had a version of Face ID first, they're playing catchup.
— նշված է «CNET» ընկերության զեկույցում
Ի՞նչպես է աշխատում նոր համակարգը
Հեռախոսի էկրանը ապաբլոկավորելու ժամանակ համակարգը փորձում է նախ ճանաչել օգտագիրոջ դեմքը, ապա ձախողվելու (անբավարար արդյունքների) դեպքում փորձում օգտատիրոջը նույնականացնել աչքի ծիածանաթաղանթի միջոցով: Եթե բացասական արդյունք է ստացվում նշված երկու մեթոդների դեպքում էլ, ապա նոր համակարգը վերջնական գնահատական է տալիս՝ միավորելով երկու մեթոդներից ստացված արդյունքները:
Ի՞նչքանով է ապահով նոր համակարգը
Հարցի պատասխանն ակնհայտ է: Ընկերության նախորդ մոդելների վրա իրականացված ուսումնասիրությունների արդյունքում հետազոտող մասնագետները կարողացել են «հիմարացնել» ինչպես դեմքը ճանաչող, այնպես էլ աչքի ծիածանաթաղանթի միջոցով նույնականացնող մեթոդները:
Ամենայն հավանականությամբ սա է պատճառը, որ «Samsung» ընկերությունն օգտատերերին դեռևս թույլ չի տալիս օգտվել նոր անվտանգության համակարգից, երբ հարկավոր է անձը հաստատել «Samsung Pay» համակարգով վճարումներ կատարելիս: Իսկ վեբ-կայքերում կարելի է անձը հաստատել՝ օգտվելով «Samsung Pass» համակարգից:
.png){kind=small}
