Mozilla ընկերությունը, որն ամբողջ աշխարհում հայտնի է իր արագագործ Firefox վեբ-դիտարկչի շնորհիվ, վերաթողարկել է ֆայլերի անվտանգ փոխանցման ծառայությունը:
«Firefox Send» ծառայությունն առաջին անգամ հանրությանն էր ներկայացվել 2017թ.-ի օգոստոս ամսին: Այն թույլ է տալիս ցանկացած վեբ-դիտարկչի (web browser) օգնությամբ ուղարկել մինչև 1ԳԲ (gigabyte) ծավալով ֆայլեր:
Նշում՝ Firefox նախագծի կայքում հաշիվ ունենալու դեպքում հնարավորություն կունենաք կիսվելվելու մինչև 2.5ԳԲ ծավալ ունեցող ֆայլերով:
Ձեր տվյալների գաղտնիությունն ապահովելու նպատակով ուղարկված ֆայլները կոդավորվում են պահպանման պահին և ոչնչացվում Mozzila ընկերության սերվերներնից այն ժամանակ, երբ դրանք ներբեռնվում են կամ լրանում են դրանց պահպանման ժամկետները:
Ընկերությունը խոստացել է այս շաբաթ թողարկել նաև ծառայության մոբայլ հավելվածը՝ Android ՕՀ օգտատատերերի համար:
Ծանուցում` Սույն հոդվածը հիմնականում գրվել և խմբագրվել է մարդու կողմից։ Արհեստական բանականության գործիքները կիրառվել են խիստ սահմանափակ ծավալով՝ միայն որպես օժանդակ միջոց հետազոտության կամ տեքստի թեթև խմբագրման համար։
.png){kind=small}
