Jurassic World խաղալիս երեխան պատահաբար ծախսել է հոր խնայողությունները

samvel-gevorgyan.jpg
Սամվել Գևորգյան
Տնօրեն, «ՍԱՅԲԵՐ ԳԵՅԹՍ»
Լուսաբանում եմ այնպիսի թեմաներ, ինչպիսիք են կիբեր-հանցագործությունը, գաղտնիությունը և անվտանգությունը թվային տեսքով:

Համոզված եմ, ձեզանից շատերն իրենց երեխաներին թույլ են տալիս օգտվել անձնական բջջ. հեռախոսից, նոթբուքից կամ այլ թվային սարքերից՝ խաղեր խաղալու կամ ինտերնետում «լուրջ» գործերով զբաղվելու համար:

Jurassic World խաղի պաստառներից (Նկարը՝ safegamepro.com)

Ինքս երեխաներ չունեմ, բայց և «խնդրին» շատ լավ ծանոթ եմ հարևանիս հետաքրքրասեր երեխաների օգնությամբ:

Առաջին հայացքից թվում է, թե դրանում ոչ մի վտանգավոր բան չկա բացի երեխաների առողջությունը վնասելուց, սակայն դա կարող է ֆինանսական կորուստների լուրջ պատճառ դառնալ, եթե թվային սարքերում պահպանված են Ձեր տվյալներն օնլայն վճարման համակարգերում:

Նմանատիպ մի դեպք վերջերս տեղի է ունեցել Միացյալ Թագավորությունում, ինչի արդյունքում հասցված կորուստը զգալի գումար է կազմել:

Անցած տարի՝ դեկտեմբերի 13-ից 18-ը ընկած ժամանակահատվածում, 7-ամյա մի երեխա հոր՝ Մոհամեդ Շուգայի (Mohamed Shugaa) հաշվից պատահաբար ծախսել է ավելի քան 4 հազար ֆունտ ստերլինգ (մոտ 5900 դոլար)՝ Jurassic World խաղում դինոզավրեր գնելու նպատակով:

Այդ հինգ օրերի ընթացքում երեխան հոր iPad-ից ընդանուր հաշվով կատարել է ավելի քան 65 փոխանցում:

Ինձ ջղայնացնում է այն հանգամանքը, որ Apple ընկերությունում կասկած չի առաջացել, թե ինչու է 32 տարեկան տղամարդը մի քանի հազար ֆունտ ստերլինգ ծախսում մանկական խաղում դինոզավրեր գնելու նպատակով:

Ի՞նչու նրանք էլեկտրոնային նամակի տեսքով ինձ չեն ծանուցել, որպեսզի ես հաստատեմ իմ փոխանցումները:

— ասել է Մոհամեդը:

Ինչքան էլ մեծ լինի Մոհամեդի զայրույթը, պետք է հաշվի առնել, որ Apple ընկերության պաշտոնական վեբ-կայքում առկա է ուղեցույց՝ հատուկ ծնողների համար, որը նման դեպքերում ընկերությանը քիչ թե շատ ազատում է պատասխանատվությունից: Ուղեցույցում հստակ նշված է, որ iTunes ծառայությունից օգտվելիս հարկավոր է ուշադիր լինել երեխաների նկատմամբ, և խորհուրդ է տալիս ոչ ոգի չտրամադրել Ձեր գաղտնաբառը:

Our parents' guide to iTunes details the steps adults can take to make sure younger players have access to the right content. The first thing we recommend is not to share your password.

— նշված է ուղեցույցի անգլերեն տարբերակում:

Այնուամենայնիվ, Մոհամեդի դիմումն ընդունվել է Apple ընկերության կողմից և գումարն ամբողջությամբ հետ են վերադարձրել, ինչը ողջունելի է:

Մոհամեդ Շուգան (Mohamed Shugaa) որդու հետ (Նկարը՝ Stian Alexander)

Ի՞նչպես շրջանցել նման խնդիրները

Ամփոփում

Սա այն վիճելի դեպքերից է, երբ ստեղծված իրավիճակում տուժած անձնավորությունն ու նրան ծառայություն մատուցող ընկերությունը փորձում են մեկը մյուսի վրա գցել մեղքի ամբողջ բաժինը: Սակայն երկու կողմերն էլ պատասխանատու են ստեղծված իրավիճակի համար: Այսպիսով, ծառայություն մատուցող ընկերությունը պարտավոր է անվտանգության միջոցներ կիրառել հաճախորդների անձնական տվյալները պաշտպանելու նպատակով, իսկ հաճախորդները պարտավոր են հետևել ընկերության մշակած անվտանգության կանոններին և անվտանգության ընդհանուր դրույքներին՝ նման իրավիճակներից խուսափելու համար:

Թեմաներ

Հատկորոշիչներ

Կիսվել հոդվածով

Մեկնաբանություններ ()

Առաջարկվող հոդվածներ


Ակնթարթային ծանուցումներ

Բաժանորդագրվե՛ք «Telegram»-ի մեր խմբին, որպեսզի առաջինը տեղեկանաք կիբերանվտանգության վերջին նորություններին, ռեսուրսներին և վերլուծություններին: