Թվային սարքերից օգտվելիս գաղտնաբառերը մեր կյանքի անբաժանելի մասն են կազմում: Այդ իսկ պատճառով, գաղտնաբառերը պահպանելու կանոնները բարձր կարևորոթյուն ունեն խոշոր կազմակերպություններում:
Կան գաղտնաբառերը ճիշտ պահպանելու ընդհանուր դրույթներ, որոնց Դուք պետք է հետևեք՝ պաշտպանելու ինչպես աշխատանքային, այնպես էլ անձնական տվյալները:
Ի՞նչպես ընտրել բարդ գաղտնաբառ
Բարդ գաղտնաբառն այն է, ինչը մարդկանց համար և թվային տեխնիկայի միջոցով դժվար է գուշակել: Բարդ գաղտնաբառ կարելի է ստանալ՝ ներառելով հետևյալ հատկանիշները. ինչքան շատ հատկանիշ ներառեք, այնքան բարդ կլինի գաղտնաբառը:
Բարդ ծածկագրի հատկանիշները
- Առնվազն 8 նիշ (ինչքան շատ, այնքան լավ)
- Մեծատառերի և փոքրատառերի համադրություն
- Տառերի և թվերի համադրություն
- Առնվազն մեկ հատուկ նշան
Վատ գաղտնաբառերի օրինակներ
- Ցանկացած բառ, որը կարելի է գտնել բառարաններում (օրինակ՝
loveկամyerevan) - Բառարանից վերցրած բառ, որում որոշակի տառեր փոխարինված են թվերով (օրինակ՝
10v3կամy3r3v@n) - Որևէ նշանի կրկնություն կամ նշանների հաջորդականություն (օրինակ՝
AAAAAկամ12345) - Ստեղնաշարի վրա իրար հաջորդող նշաններ (օրինակ՝
qwertyկամ1234567890) - Անձնական տվյալներ (օրինակ՝ ծննդյան ամսաթիվ, տնային կենդանիների անուններ, հեռախոսի համար կամ սիրած գույն)
- Ցանկացած գաղտնաբառ, որը նշված է համակարգչի մոտ
Ի՞նչպես պաշտպանել գաղտնաբառը
- Պարբերաբար փոխեք այն (առնվազն 3 կամ 6 ամիսը մեկ անգամ)
- Փոխեք այն, եթե կասկածներ ունեք, որ այն հայտնի է որևէ մարդու կամ առանց Ձեր թույլտվության պահպանվել է որևէ ծրագրի (օրինակ՝ վեբ-կայք կամ վնասակար ծրագիր) կողմից
- Խուսափեք գաղտնաբառը հավաքել այն թվային սարքերից օգտվելիս, որոնք Ձեզ չեն պատկանում (օրինակ՝ գործընկերոջ համակարգիչ)
- Գաղտնաբառը երբեք մի պահպանեք այն թվային սարքից օգտվելիս, որը չի գտնվում Ձեր վերահսկողության տակ կամ որից օգտվում է առնվազն մեկ օգտատեր
- Երբեք մի պահպանեք այն Ձեր համակարգչում կամ թվային սարքերում, բացառությամբ այն դեպքերի, երբ այն կոդավորված է
- Ձեր գաղտնաբառը երբեք մի ուղարկեք էլեկտրոնային փոստի միջոցով կամ այլ անպաշտպան ճանապարհով
- Գաղտնաբառը երբեք մի հայտնեք որևէ մեկին, նույնիսկ տեխնիկական բաժնի աշխատակցին
- Զգույշ եղեք այն դեպքերում, երբ գաղտնաբառ հավաքելիս ինչ-որ մեկը կանգնած է Ձեր կողքին
- Գաղտնաբառը երբեք մի արտագրեք որևէ տեղ
Ի՞նչպես հիշել գաղտնաբառերը
Բարդ գաղտնաբառը դժվար է գուշակել, բայց ինչ-որ հեշտ տարբերակ է անհրաժեշտ այն հիշելու համար: Ի՞նչ կարոք ենք անել այս դեպքում:
- Օգտվեք գաղտնաբառերը անվտանգ ղեկավարելու ծրագրերից
- Տեքստային ֆայլում պահպանելիս, այն գաղտնագրեք համապատասխան ծրագրով
Ամփոփում
Անհրաժեշտ է հիշել նաև, որ անվտանգության բուն նպատակը ոչ միայն անվտանգության կանոններ ստեղծելն է, այլ նաև դրանց հետևելը:
.png){kind=small}
