Եթե Android օպերացիոն համակարգի վաղ թողարկումներով օգտվել եք Facebook սոց. ցանցի հավելվածներից, ապա, ամենայն հավանականությամբ, սոց. ցանցի կողմից նախկինում գրառվել են ձեր հեռախոսազանգերն ու անձնական հաղորդագրությունները:
ԿԱՐԴԱՑԵՔ ՆԱԵՎ` Կարո՞ղ եք գուշակել ով կհաղթի ԱՄՆ ընտրություններում
Facebook սոց. ցանցի 50 միլիոն օգտատերերի անձնական տվյալների «արտահոսքի» պատճառով շատերն անհապաղ ջնջեցին իրենց անձնական էջերն ու հաշիվները՝ նոր թափ հաղորդելով «#deletefacebook» անվանումը ստացած շարժմանը:
Շատերի համար բավական հեշտ է սեղմել «ջնջել» կոճակը: Սակայն ձեզնից շատ շատերը սոց. ցանցից օգտվում են տարիներ շարունակ, և, հասկանալով խնդրի կարևորությունը, ևս մեկ անգամ հորդորում ենք ներբեռնել անձնական տվյալները, նախքան որևէ վերջնական որոշում կայացնելը:
Ի՞նչ է պարունակում անձնական տվյալների արխիվը
Անձնական տվյալների արխիվը, սովորաբար, պարունակում է հետևյալ տեղեկատվությունը՝
- Հրապարակումներ, լուսանկարներ և տեսաձայնագրություններ, որոնցով նախկինում կիսվել եք
- Ձեր անձնական հաղորդագրությունները
- Ձեր անձնական հաշվում լրացված տեղեկատվությունը ձեր մասին, և այլն:
Տարօրինակ զուգադիպությամբ հարյուրավոր օգտատերեր վերջերս նկատել են, որ նշված տեղեկատվությունը պարունակում է նաև իրենց հեռախոսազանգերն ու անձնական նամակագրությունը:
Օհ, ջնջված Facebook-իս արխիվը պարունակում է տեղեկատվություն վերջին մեկ տարվա ընթացքում իմ կատարած յուրաքանչյուր զանգի և հաղորդագրության մասին: Սարսափելի է:
Oh wow my deleted Facebook Zip file contains info on every single phone cellphone call and text I made for about a year- cool totally not creepy.
— նշված է ամերիկյան գրող Մեթ Ջոնսոնի հաղորդագրությունում
Նախնական ուսումնասիրությունների արդյունքում պարզ է դարձել, որ խնդիրը առկա է Android օպերացիոն համակարգի Jelly Bean (v4.1) և առավել վաղ թողարկումներում: Այսինքն, եթե նախկինում Android օպերացիոն համակարգի վրա տեղադրել եք Facebook հավելվածը և թույլ տվել կարդալ ձեր հեռախոսի կոնտակտները, ապա հավելվածն ինքնաբերաբար հնարավորություն է ստացել գրառելու նաև ձեր հեռախոսազանգերն ու նամակագրությունը: Օպերացիոն համակարգի հաջորդ թողարկումներում անվտանգության խնդիրը հեռացվել է, սակայն դա ոչնչով չի օգնի ձեզ, եթե ձեր հեռախոսում արդեն տեղադրված է Facebook հավելվածը:
Հավանաբար, սեփական արխիվներում կնկատեք նաև ձեր հեռախոսահամարների ամբողջական ցուցակը: Սակայն հարկ եմ համարում տեղեկացնել ձեզ, որ նշված տեղեկատվությունը սոց. ցանցին փոխանցվում է ձեր իսկ ձեռքով: Սոց. ցանցի հավելվածները պարբերաբար թույլտվություն են «խնդրում» հավաքագրելու տեղեկություն ձեր հեռախոսահամարների մասին՝ պատճառաբանելով, թե դա հնարավորություն կտա հեշտությամբ գտնել ձեր ծանոթներին սոց. ցանցում: Բայց սա ընդամենը խորամանկ քայլ է՝ կորզելու հնարավորինս շատ տեղեկություններ ձեր և ձեր մտերիմների վերաբերյալ:
Ի՞նչպես ջնջել հեռախոսահամարների ցանկը սոց. ցանցից
Facebook սոց. ցանցի կողմից հավաքագրված հեռախոսահամարների ցանկը կարելի է ջնջել հետևյալ ճանապարհներով՝
- Անցնել հետևյալ հղումով և ջնջել որոշ հեռախոսահամարներ
- Անցնել հետևյալ հղումով և ջնջել բոլոր հեռախոսահամարները:
Ի՞նչպես արգելել հավաքագրել ձեր հեռախոսահամարները
Եթե այլևս չեք ցանկանում, որպեսզի սոց. ցանցը հավաքագրի (վերբեռնի) ձեր հեռախոսահամարները, ապա տվյալ ֆունկցիան հարկավոր է անջատել բոլոր այն թվային սարքավորումներում, որոնց օգնությամբ օգտվում եք սոց. ցանցից:
Կարգավորումների համար անհրաժեշտ է կատարել հետևյալ քայլերը՝
- Բացել Facebook հավելվածի «Գլխավոր մենյու / Main menu» բաժինը
- Անցնել «Հավելվածի կարգավորումներ / App settings» բաժին
- Ապաակտիվացնել «Կոնտակտների շարունակական վերբեռնում / Continues Contacts Uploads» ֆունկցիան
Հղումներ
- https://docs.google.com/forms/d/e/1FAIpQLSfsvZefdYqGR01-LgJhgxcNufyHSH3R2_N0LNFVA91TNwIBhQ/viewanalytics
- https://arstechnica.com/information-technology/2018/03/facebook-scraped-call-text-message-data-for-years-from-android-phones/
.png){kind=small}
