ԶԳՈՒՇԱՑԵՔ. GetContact հավելվածը սկսել է գովազդային արշավ համացանցի հայկական տիրույթում

GetContact հավելվածը սկսել է գովազդային արշավ անցկացնել համացանցի հայկական տիրույթում:

ԿԱՐԴԱՑԵՔ ՆԱԵՎ` Samsung հեռախոսներում առկա հավելվածը գաղտնի կիսվում է Ձեր անձնական լուսանկարներով

Այս փաստը հաշվի առնելով՝ ՀՀ ԱՆ Անձնական տվյալների պաշտպանության գործակալությունը ներկայացնում է մի քանի վտանգներ, որոնց մասին հարկավոր է տեղեկանալ՝ GetContact հավելվածից օգտվելուց առաջ:

Ի՞նչ վտանգ է ներկայացնում GetContact հավելվածը

• ունենալ հասանելիություն ձեր այնպիսի տվյալների, ինչպիսիք են հեռախոսագրքերը եւ հասցեագրքերը, սոցիալական ցանցերի հաշիվներում առկա տվյալները, նկարները, էլեկտրոնային փոստը, սարքի IP-ն, ինչպես նաեւ զանգերի պատմությունը,

• կիսվել էլեկտրոնային ձևով ձեր սարքում առկա տեղեկությամբ ցանկացած 3-րդ կողմի հետ,

• գովազդային ու մարքեթինգային ցանկացած նպատակով օգտագործել ձեր սարքում առկա տեղեկությունը,

• հավաքել, վաճառել կամ թույլ տալ 3-րդ կողմին օգտագործել ձեր տվյալները։

Այս ամենը հաշվի առնելով՝ խորհուրդ ենք տալիս ու հորդորում չներբեռնել և չօգտագործել Getcontact հավելվածը՝ չվտանգելու համար ձեր ու այլ մարդկանց անձնական տվյալների գաղտնիության իրավունքը։

Ի՞նչպես հավելվածից ջնջել ձեր հեռախոսահամարը

GetContact հավելվածի տվյալների բազայից ձեր հեռախոսահամարը հեռացնելու համար հարկավոր է անցնել հետևյալ հղումով և հետևել կայքի հրահանգներին:

Ամփոփում

Գործակալությունը ևս մեկ անգամ հիշեցնում է, որ ներբեռնելով այս հավելվածը ու գրանցվելով դրանում, բացի ձեր անձնական տվյալներից հանրայնացնում եք նաև այն մարդկանց տվյալները, ում հեռախոսահամարները գրանցված են ձեր հասցեագրքում։

Հղումներ

• https://www.getcontact.com/hy/manage