ՀՀ քննչական կոմիտեի քննիչների կողմից բացահայտվել է «Երևան Սիթի» սուպերմարկետի տարածքում տեղակայված, «Կոնվերս բանկ» ՓԲԸ-ին պատկանող վճարային տերմինալից կատարված հափշտակությունը:
ԿԱՐԴԱՑԵՔ ՆԱԵՎ` «Կոնվերս բանկ» ՓԲԸ-ի բանկոմատից հափշտակվել է ավելի քան 7 միլիոն ՀՀ դրամ
Նախնական քննությամբ պարզվել էր, որ «Երևան Սիթի» սուպերմարկետի տարածքում գործող՝ «Կոնվերս բանկ» ՓԲԸ-ին պատկանող, վճարային տերմինալից օգոստոսի 17-ին կանխիկացվել և հափշտակվել էր ընդհանուր 15 130 000 ՀՀ դրամ գումար: Ինչի առթիվ կոմիտեի ԵՔՔՎ Կենտրոն և Նորք-Մարաշ վարչական շրջանների քննչական բաժնում հարուցվել էր քրեական գործ:
Ձեռնարկված քննչական և դատավարական այլ միջոցառումների արդյունքում պարզվել են հափշտակությունն առերևույթ իրականացրած անձանց ինքնությունը, ովքեր հանդիսանում են ՌԴ քաղաքացիներ:
Նրանցից մեկը հայտնաբերվել է և ձեռք բերված ապացույցների հիման վրա նրան մեղադրանք է առաջադրվել՝ համակարգչային տեխնիկայի օգտագործմամբ առանձնապես խոշոր չափերով հափշտակություն կատարելու համար:
Հանձնարարություն է տրվել Ոստիկանության համապատասխան ստորաբաժանումներին միջոցներ ձեռնարկել` մյուս անձին հայտնաբերելու և վարույթն իրականացնող մարմնին ներկայացնելու համար:
Քրեական գործով տվյալներ են ձեռք բերվել, որ 2018թ. օգոստոսի 17-ից մինչև օգոստոսի 18-ն ընկած ժամանակահատվածում նմանատիպ դեպքեր տեղի են ունեցել նաև Երևանում և Կոտայքում տեղադրված «Կոնվերս բանկ»-ի՝ թվով 8 բանկոմատներից ևս:
.png){kind=small}
