Կարո՞ղ եք գուշակել ով կհաղթի ԱՄՆ ընտրություններում

Երևի թե 2012թ.-ի ամենաքննարկով թեմաներից էր, թե ո՞վ կհաղթի Սպիտակ Տան համար տարվող ճակատամարտը և կդառնա Միացյալ Նահանգների հաջորդ նախագահը:

Այդ բանավեճերի մեծ մասը տեղի էր ունենում առցանց՝ սոցիալական ցանցերում և իրենց բլոգերում սեփական կարծիքն արտահայտելով Միթ Ռոմնիի և Բարաք Օբամայի մասին:

Սա շատ լավ առիթ հանդիսացավ օգտագործելու այն հարուստ տեղեկատվությունը, թե ինչ կարծիք ունեն մարդիկ նախընտրական մրցավազքի մասին: Այնպես որ, այսօր որոշեցի խոսել թվային տվյալների վերլուծության այն հմտությունների մասին, որոնց օգնությամբ փորձում են գուշակել, թե ով կհաղթի ԱՄՆ ընտրություններում: Եվ, հավանաբար, 2012 թվականը պատմության մեջ կհիշվի որպես առաջին ընտրությունը, երբ խոշոտ տվյալների վերլուծությունը կարևոր դեր է խաղացել և հսկայական ազդեցություն թողել նախագահական ընտրությունների ժամանակ:

Վերոնշյալ հմտություններին շատ լավ եմ ծանոթ, քանի որ 2013 թվականի սկզբին առիթ եմ ունեցել հանդիպելու այս ոլորտում ամենամեծ դերը ստանձնած EMC ընկերության տնօրենի հետ Սինգապուրում: EMC-ն այն եզակի ընկերություններից էր, որին Twitter-ը թույլ էր տվել ամբողջական օգտվել իր սոցիալական հարդակից և վերլուծել այն Օբամայի քարոզարշավի ժամանակ 2012 թվականին: Իմ կարծիքով, հենց դա էր պատճառը, որ 2015 թվականին Dell-ը գնեց այս ընկերությանը 67 մլրդ դոլար արժողությամբ՝ կնքելով ՏՏ պատմության մեջ ամենամեծ գործարքը:

Ամեն դեպքում, խոշոր տվյալների մշակման հմտությունները գրեթե նույնն են մնացել, այնպես որ կարելի է խոսել այն մասին, թե սոցիալական մեդիաներից վերցված որ տվյալներից են օգտվում ԱՄՆ ընտրությունների արդյունքները գուշակելու նպատակով:

Ի՞նչ տեսք ունեն խոշոր տվյալները

Facebook

• 293,000 գրառումներ են թարմացվում (մեկ րոպեի ընթացքում)
• 31,25 մլն նամակներ են ուղարկվում (մեկ րոպեի ընթացքում)

Twitter

• 440,640 նոր գրառումներ են ավելացվում (մեկ րոպեի ընթացքում)

Ամեն դեպքում, համացանցում տեղադրված (հրապարակված, ուղարկված, և այլն) ցանկացած տեղեկություն հարկավոր է «մաքրել»՝ դրանից որևէ արժեք ստանալու համար:

Տվյալների մշակում

• Տվյալ՝ տվյալների նախնական վիճակ, որը դեռ մշակված չէ օգտագործման համար
• Տեղեկություն՝ տվյալներ, որոնք մշակվելուց հետո պիտանի են օգտագործման. թույլ է տալիս պատասխանել «ով», «ինչ», «որտեղ», և «երբ» հարցերին
• Գիտելիք՝ տվյալների և տեղեկատվության կիրառում. թույլ է տալիս պատասխանել «ինչպես» հարցերին
• Բանականություն թույլ է տալիս պատասխանել «ինչու» հարցերին
• Իմաստություն հաստատված բանականություն

Բառերի տարանջատում և տրամադրության վերլուծություն

Ձեր կարծիքը կամ տրամադրուդյունը որոշելու համար օգտագործվող առաջին հմտությունը կոչվում է «բառերի տարանջատում և տրամադրության վերլուծություն»: Այս գործընթացի ամբողջ նպատակն է գրառումները դասակարգել որպես դրական, չեզոք կամ բացասական՝ վերլուծելով Ձեր գրառումներում օգտագործվող յուրաքանչյուր բառ կամ հուզապատկերակ («emoticon»):

Twitter-ի վերլուծություննները ԱՄՆ նախագահի թեկնածուների վերաբերյալ, ըստ Datameer-ի

• Տրամադրության ընդհանուր աստիճանը
  • Քլինթոն՝ 48 տոկոս
  • Թրամփ՝ 48 տոկոս
• Դրական և բացասական կարծիքները
  • Քլինթոն՝ 5,522 դրական, 6,098 բացասական
  • Թրամփ՝ 3,254 դրական, 3,550 բացասական

Բայց, մեկ վայրկյան, իսկ ի՞նչպես ներգրավել նաև այն մարդկանց, ովքեր ոչ մի գրառում չունեն նախագահի թեկնածուների մասին:

Facebook Reactions

2009 թվականին Facebook-ը ներկայացրեց «Like» անվանումով մի կոճակ, որը թույլ էր տալիս «հավանել» ընկերների գրառումները, և օգտատերերը շատ հավանեցին այն:

2016 թվականի փետրվարի 24-ին Facebook-ը սկիզբ դրեց մեկ այն «նորամուծության» («Reactions»), ինչն օգտատերերին թույլ է տալիս, միայն «հավանելու» փոխարեն, ավելի հստակ ցույց տալ տվյալ գրառման վերաբերյալ նրանց վերաբերմունքը:

Այսպիսով, ի՞նչպես կարելի է օգտագործել այս հնարավորությունը՝ պարզելու համար, թե այլ մարդիկ ինչ կարծիք ունեն ԱՄՆ նախագահի թեկնածուների մասին:

Պատկերացրեք Դուք ատում եք Դոնալդ Թրամփին և համացանցում եք տեղադրում նրա մասին որևէ բացասական գրառում: Կարելի է արդյո՞ք գուշակել, թե ինչ են Ձեր ընկերները մտածում Դոնալդ Թրամփի մասին՝ հիմք ընդունելով նշված գրառման նկատմամբ նրանց հավանությունը («like») կամ ցանկացած այլ վերաբերմունք («reactions»): Եթե կարծում եք այո, ապա Դուք միանշանակ ճիշտ եք:

Արդեն հեշտությամբ կարելի է լսարանի մասին հավաքագրել այնպիսի «կարևոր» տեղեկություն, ինչպիսիք են՝ սեռը, տարիքը, գտնվելու վայրն ու հետաքրքրությունները: Այսքանը:

Հղումներ

• http://www.internetlivestats.com
• https://zephoria.com/top-15-valuable-facebook-statistics
• https://interactive.twitter.com/candidateRace16/?status=active
• http://happygrumpy.com
• https://www.predictit.org/Market/1234/Who-will-win-the-2016-US-presidential-election
• http://www.vocativ.com/363573/how-donald-trump-is-beating-hillary-clinton-on-facebook
• http://www.slideshare.net/SAMVELG/can-you-predict-wholl-win-the-us-election