Աշխատակիցը մեկ հրամանով պատահաբար ջնջել է կազմակերպության ամբողջ թվային արխիվը

samvel-gevorgyan.jpg
Սամվել Գևորգյան
Տնօրեն, «ՍԱՅԲԵՐ ԳԵՅԹՍ»
Լուսաբանում եմ այնպիսի թեմաներ, ինչպիսիք են կիբեր-հանցագործությունը, գաղտնիությունը և անվտանգությունը թվային տեսքով:

Օպերացիոն համակարգերում որևէ լուրջ գործողություն կամ փոփոխություն անելիս անընդհատ ստիպված ես հաստատել քո որոշումը և դա մտածված է «անուղղելի» որոշումներից ինքներս մեզ պաշտպանելու համար:

Լուսանկարը՝ cnn.com

Միգուցե հեշտ լինի համակերպվել սեփական սխալների հետ, եթե աշխատում եք տանը սեփական համակարգչով և պատահաբար ջնջել եք որևէ ֆիլմ կամ նկար: Սակայն պատկերն այլ է, եթե աշխատանքի ընթացքում պատահաբար ջնջել եք ընկերության ամբողջ թվային արխիվը:

Անզգուշության արդյունքում նման մի բարդ իրավիճակում է հայտնվել Մարկո Մարսալան (Marco Marsala), ով մեկ սխալ հրամանով պատահաբար ջնջել է վեբ-հոսթինգ տրամադրող իր ընկերության ամբողջ թվային տվյալները:

ԿԱՐԴԱՑԵՔ ՆԱԵՎ` Աշխատակիցների ծածկագրության սովորություններ, որոնք կարող են վնասել Ձեր ընկերությանը

Խոսքը գնում է Unix-ական օպերացիոն համակարգերում առկա rm հրամանի մասին, որը Մարսալան անզգույշ է օգտագործել (rm -rf /) սերվերի վրա կարգավորումներ կատարելիս: Հրամանը նախատեսված է ֆայլ(եր) ջնջելու համար, իսկ -rf / կարգավորումը (option) օպերացիոն համակարգին ստիպում (force) է անմիջապես աշխատացնել հրամանը և նշված կատալոգում (տվյալ դեպքում ֆայլային համակարգի գլխավոր կատալոգում) ջնջել բոլոր ֆայլերը, նույնիսկ եթե որևէ ֆայլ օգտագործվում է տվյալ պահին:

Ես մի փոքրիկ հոսթինգ ընկերություն ունեմ, որը մոտ 1353 հաճախորդ ունի... Բոլոր սերվերներն ու պահպանված արխիվները ջնջվել են, քանի որ տվյալների կողմնակի պահոցները նույնպես միացված էին հրամանն աշխատացնելու պահին: Ի՞նչպես կարող եմ արագ վերականգնել rm -rf / հրամանից կորցրած տվյալները:

— Մարկո Մարսալա

Թվում է, թե սա մի անհեթեթ պատմություն է, և միայն կատարյալ ապուշը կարող է նման հրաման աշխատացնել գործող սերվերի վրա, սակայն խնդիրն ավելի բարդ է, քան Դուք կարծում եք:

Ո՞րն է սխալմունքի իրական պատճառը

Առաջին հայացքից անհեթեթ թվացող հրամանն իրականում կանչվել է Bash կոդի միջոցով և ունեցել հետևյալ տեսքը՝

rm -rf $1/$2

Bash կոդը թույլ էր տալիս ջնջել օգտատերերի հին արխիվները՝ փոփոխականներին ($1, $2) տալով համապատասխան արժեքներ: Ծրագրային սխալի պատճառով նշված փոփոխականները ստացել են զրոյական արժեքներ և ստիպել «անվերադարձ» ջնջել ամբողջ ֆայլային համակարգը:

Ի՞նչպես խուսափել նման իրավիճակներից

  1. Պարբերաբար կատարել թվային տվյալների արխիվացում և դրանք պահել ապահով տեղում:
  2. UNIX-ական օպերացիոն համակարգերում ֆայլերը ջնջելիս օգտվել safe-rm ծրագրային միջոցից:

Թեմաներ

Հատկորոշիչներ

Կիսվել հոդվածով

Մեկնաբանություններ ()

Առաջարկվող հոդվածներ


Ակնթարթային ծանուցումներ

Բաժանորդագրվե՛ք «Telegram»-ի մեր խմբին, որպեսզի առաջինը տեղեկանաք կիբերանվտանգության վերջին նորություններին, ռեսուրսներին և վերլուծություններին: